Willem Tjerkstra’s thússide

Archive for the Bibelbylden category

admin

Fan de troan sakje

Bibelbylden

fan John Martin*

De foarst fan Tyrus lit ik witte
dat syn heechmoed weage heech
en dat er troane as in god
yn de midden fan de see,
hy sil dêr sa net lang mear sitte.

Hy hat troch tûkens yn de hannel
in fermogen opslein, goud
en sulver, docht him foar as god
yn de midden fan de see,
hy wie heechmoedich yn syn wannel.

De foarst fan Tyrus kin net sitten
bliuwe op syn hege troan,
in frjemd beslist rou oer syn lot,
lûkt it swurd tsjin al syn pronk,
sil him as deade sakje litte.

* John Martin (1789-1854)
Skilderij ‘De ûndergong fan Tyrus’




admin

Skip fan Tyrus fergien

Bibelbylden

fan ûnbekend*
Ezechiël

Sa’t Tyrus as in skip stekt
boppe alles út, sa is syn farren
foar de hannel oer de see;
dat skip is troch de folken makke
fan materiaal om foar te gean…
hoe lang wurdt dit skip sparre?

Fan Tyrus foeren skippen
oer de weagen haven yn en haven
út foar hannel op elk stee;
de skippen hiene ’t rom fol keapwaar:
sulver, koper, izer, tin en lead
en boppedat fol slaven.

It skip fan Tyrus stekt net
langer boppe alles út, syn farren
is foarby, fergien is ’t skip
mei skipper en tal fan matroazen;
folken fan de seekant rouwe om
dit lot, gjinien waard sparre.

* Yllustraasje ‘Skip fan Tyrus’


 


Archieven

Zoeken

  • Categorie

  • Datum