Willem Tjerkstra’s thússide
admin

Swijende Sacharias

Bibelbylden

fan Gerard Hoet*

Lit ingel Gabriël mar sizze
wat er yn de timpel die,
want Sacharias koe it net,
hy wist him dêr gjin rie,
gjin wurd om út te lizzen.

It folk mocht net de takomst misse,
teken dêrfan waard it bern
fan Sacharias en syn frou,
hy koe it sa net sjen,
’t wie foar har net te rissen.

Dus moast er njoggen moannen swije,
noch de seine noch ’t ferhaal
oer ’t letter libben fan har soan,
de Geast soe jaan de taal
dy’t oanspriek: útsicht krije.

Sa hat de ingel it ferhelle,
want de pryster koe it net;
de wei fan Gabriël rûn troch
nei ’t stedsje Nazaret
om mear noch te fertellen.

* Gerard Hoet (1648-1733) e.o.
Yllustraasje ‘Sacharias yn de timpel’ (út LaHaye Bibel)

Related Posts

Archieven

Zoeken

  • Categorie

  • Datum