Willem Tjerkstra’s thússide
admin

Stilsteande sinne

Bibelbylden
PDF Print E-mail
fan Perin del Vaga*

De tiding giet it folk foarút:
gjin stêd hâldt harren tsjin,
de God fan Mozes fjochtet mei;
’t foarútsicht liket min
as Jozua ta striid beslút.

Dat Gibeon betinkt in list:
‘Wy komme fan hiel fier
en slute graach in eedferbûn,
ús reis is libbenswier,
sjoch nei ús klean en brea, sa is ’t.’

Fiif stêden yn in eedferbûn
beslute ta de striid
tsjin Gibeon, de leagenstêd,
dy’t foar de wierheid giet:
‘Us is it wurd fan bystân jûn.’

De striid giet oan en Jozua
ferslacht de fiif, syn wil
giet fierder, mar de dei is koart:
‘Do sinne, stean no stil!’
It giet op fijâns lêste ta.

Image

* Perin del Vaga (1501-1547)
Dekoraasje yn de Fatikaanske Loggia’s

Related Posts

Archieven

Zoeken

  • Categorie

  • Datum