Stêd yn pún

fan ûnbekend*
Jesaja

Sjoch hoe’t it lân derhinne leit:
de wyngerd is ferkwynd,
sadat it druvesop ferdrûget,
wat it measte oer de risping seit.

Sjoch hoe’t de stêd derhinne leit:
de poarte is fernield,
de klachten rinne troch de strjitten
oer it oardiel, einigjend as feit.

De liere swijt, de pauk hâldt op,
der klinkt no mannich sucht,
by ’t drinken wurdt net langer songen,
’t is foargoed de ein fan ’t feestgerop…

… op ’t lân en yn de grutte stêd,
mar oaren roppe bliid:
‘De ear komt ta oan God de Heare,
dy’t rjochtfeardich is op ’t rjochte mêd.’

Foto ‘Antike stêd yn pún’