Willem Tjerkstra’s thússide
admin

Jesaja

Bibelbylden

fan James Tissot*

Jesaja’s namme sprekt fan heil,
in lokkich libben dat de Heare jout
oan wa’t him fan it kweade keart
nei ’t wurd, de minske tafertroud.

Hy sprekt dat wurd as in profeet:
‘God, as alderheechste majesteit,
is troch de iuwen hinne mei
syn folk ferbûn, yn ivichheid.’

Jesaja, soan fan Amoz, heit
dy’t syn bestean fûn by de hegerein,
oan wa’t syn soan it boadskip brocht
dat klonk as: ‘Ik ha ’t jim foarsein.’

Foarsizzing fan: ‘Jim treft it kwea
sekuer as der gjin kear komt yn ’t bestean,
mar wurdt der libbe nei it wurd,
dan sil it folk yn frijheid stean.’

* James Tissot (1836-1902)
Skilderij ‘Profeet Jesaja’


Related Posts

Archief

Zoeken

  • Categorie

  • Datum