Droegen nei de brulloft

fan ûnbekend*

De kening liet in draachkoets meitsje,
syn earmen leune op it goud,
syn fuotten steane op it sulver,
leafdefol waard dêroan boud.

De koets komt as yn reekkolommen
fan mirre rap út ’e woestyn
mei sechtich helden der omhinne,
strieljend yn de sinneskyn.

De helden ha in swurd as wapen
en binne taret op ’e striid,
alarm… it swurd komt fan de side,
stridend foar de brulloftstiid.

Kom no nei bûten, Sions dochters,
de krânse is foar Salomo;
de kening fan it goud en sulver
nimt hjoed mei de fredesdo.
 
* Foto ‘Draachstoel’