As in earn

fan ûnbekend*
Jesaja

Jawis, as balling hast in swier bestean,
mar wêrom klagest oer dyn lot
as soe de Hear dêr neat fan witte?

Mar witst dan net dat God de Skepper is
fan hiel de wide wrâld, dyn lot
sil Hy net yn it tsjuster litte.

Nea wurdt Er wurch of rekket Er ynein,
oan God syn tiid komt nea in ein,
gjinien kin syn ferstân ea mjitte.

Jongfeinten binne wurch en stroffelje,
God jout har wjukken, as in earn
sa kinne sy har sweve litte.

* Foto ‘Earn’