Posted by admin

Der siet fan alles yn, ek energy,
want troch de dei wie ’t net ferkeard
om yn te drinken, sa
feroare hjoed de sleat.

In plastic pûde, ljochter as de nacht,
foar ’t heinen fan de drippen ree,
lei klear foar nije fracht,
want hjoed is ’t our day.

De âlde tiid komt dan werom
fan Alvestêdetochten yn
’t kwadraat, de ôfstân wie him noch te lyts,
de bealch derop, want yn de wyn
besoarget dûbel rom.

Hy koe net stikken en net dea
yn ’t wrâldsje fan ’t priveerekord,
doe kaam er tsjin de oerhaal, lokkich lyts,
in lekke bân, al ridlik âld…
hy fytst wer sûnder skea.