Willem Tjerkstra’s thússide
admin

Op ‘e geast fan de wyn

Skûtsjesilen

Ut it skûtsje-argyf 2008

Langwar fan hichte en fan djipte,
faak al ha dyn wjukken draaid
de wyn yn ’t folle seil,
mar lei dyn float ek net ferwaaid
mei tongerwaar en heil?

Image

Ek hjoed ha twirren ’t swurk oanjage,
driigjend oer de hege mêst,
wylst drippen sloegen fûl
de lea fan doek en stiel ta lêst,
de wyn wie sûnder doel.

Wat sil men dan op ’t wiet begjinne
mei ’t de skûtsjes falle stil
de deadske djipte yn;
al hat de skipper noch sa’n wil,
hy mist de geast fan wyn.

Image

Mar brekt it blau de skiere hichte,
dan sjocht men wat der bart:
de geast waait oer de mar,
it earst nei de ferlette start,
de skipper hat gjin kar.

Related Posts