Willem Tjerkstra’s thússide
admin

Lemster simmertwirre

Skûtsjesilen

Ut it skûtsje-argyf 2010

Image

De Lemmer, eartiids plak fan aken
yn de romte ûnder loft, op see,
foar fiskers boaiems ûnder learzens,
wif en glêd, har fêste libbenstaak,
faak ier en let wer op it stee.

Image

Sa’t like, Earnewâld foar saken
fier fan ’t startskip, by it skot te let,
mar skerp waard syld en tûk ek keazen
slach nei slach, gjin draai te faak,
sa’t like, Earnewâld hie ’t ret.

Image

Mar soe De Lemmer op syn wetter
as eartiids de aak der ek foar gean
en brûzje om op kop te kommen?
’t Silen mei protest as taak
jout faak foar ’t wrotten minder lean.

Image

De Lemmer, hjoed mei minne loften,
driigjend boppe Grou en ’t Hearrenfean,
de foarsten by in wyn dy’t romme
mei in simmertwirre, saak
foar Earnewâld om rjocht te stean.

Image

Mar Earnewâld koe ’t spul wol hâlde,
sylde mei in skuor sels skerper oan
de wyn, soe sa noch neier komme
by de foarsten, kriich de smaak
te pakken, mar krekt net de kroan.

Related Posts

Archief

Categorieën

Zoeken

  • Categorie

  • Datum