Willem Tjerkstra’s thússide
admin

Grouster skûtsjesilen

Skûtsjesilen

Ut it skûtsje-argyf 2007

It folk fan fier komt tichterby
en set him skrep om ’t wedstriidwetter
dat ferwachtsjend weaget, âld wurdt nij,
mar hoe, dat wit men oeren letter.

It âlde hearsket oer doarp Grou
dat útfart mei de skelle skûte
blazers dy’t de wyn nei wiid en nau
ferspriede op ‘e skûtsjerûte.

Image

De fleugels nêst it rûne giel
fan sinnich útsicht yn de mêsten
krije fan de blazers harren diel,
wylst dizze skûtsjes seilleas rêste.

Image

De skûte spilet op ‘e seilen yn
dy’t fol de fjirtjin sile litte
sjittend oer de line oan de wyn
fan stjoer- nei bakboard meters mjittend.

Image

En as de striid nei’t einskot rint,
de skûteblazers luchtleech swije,
is ’t de debutant dy’t laitsjend wint,
sa lit it âlde him fernije.

Related Posts