Willem Tjerkstra’s thússide
admin

Eleminten by Wâldsein

Skûtsjesilen 2018

Hast like heech as ’t Hearrenfean
hat ‘Earste Help’ it seiltsje hise
mei it each op driigjend ûngemak
fanwege ’t donkerblauwe swurk,
noch stiet it wâlpublyk yn tinne klean.

De loft set ticht, de bliksem flitst,
de tonger rôlet oer de weagen,
twirren jeie yn it romme rak
de skûtsjes op, it swiere wurk
komt oan de wyn, der klinkt: ‘Dit is ’t!’

Dit is sa’t Fryslân ’t hawwe wol:
de skûtsjes mei de eleminten
stridend tsjininoar om ’t earste plak;
de liuw rint hurd, de earn* fjlocht mei,
dy faasje hâldt gjin oare fol.

De ‘Earste Help’ helpt hjoed gjinien,
jout oan ’t publyk allinnich hinten:
reinpak oan en papraplu as dak.

* Earnewâld

Related Posts

Archief

Zoeken

  • Categorie

  • Datum