Willem Tjerkstra’s thússide
admin

Nei blakte seilen bak

Skûtsjesilen 2017

De loft hat skaden strutsen
oer de mar, as spegel suver flak,
de reiden heine noch in twirke,
de Fluezen suchtet: ‘It is blak,
ha skippers har konklúzje lutsen?’

De seilen binne strutsen
by de startboat, boppe ’t stille reid,
noch fjouwer hoopje op in twirke;
wat ek de loft der no fan seit,
sy ha noch gjin konklúzje lutsen.

De reiden ha fernommen
dat in suchtsje oer har hinnestrykt,
noch foar it brekken fan de spegel;
wannear’t de blakte einlings wykt,
is de konklúzje: lit mar komme!

Fiel hoe’t de spanning brutsen
is, acht skippen ha de seilen bak.

Related Posts

Archief

Zoeken

  • Categorie

  • Datum