Willem Tjerkstra’s thússide
admin

Mear as ien fan ‘Acht’

Skiednisbylden

fan ûnbekend*
fan Maurice Prendergast**

Hy hearde by de ploech  fan ‘Acht’,
yn stêd en lân bekend
as griemers mei wat kleuren,
mar Maurice waard dissidint…
de keunstner naam himsels yn acht.

Newfoundland wie syn berteplak,
in eilân as symboal
fan ’t eigen ienlik libben,
net in frou waard syn idoal,
as skilder kaam er ûnderdak.

Persoanlik wie syn skilderstyl
mei kleuren as fluwiel
en foarmen yn patroanen,
dêryn lei er hiel syn siel,
de bûtenkant wie mar in skyl.

Maurice hie oer himsels de macht,
wie nea in ûnderdiel
en mear as ien fan ‘Acht’.

* Foto ‘Maurice Prendergast’

** Skilderij ‘In dei op it plattelân’

Related Posts

Archief

Zoeken

  • Categorie

  • Datum