Macht is mear as polityk,
lûkt likegoed kultuer nei it paleis,
de keunstners meitsje Taizong ryk,
syn geast is altyd ûnderweis.

Geastlik riker wurdt Xuanzong
fan skilders mei it each op ‘e natuer,
de maitiid hâldt de keizer jong,
in hichtepunt yn de kultuer.

Hynders wize op ‘e striid
fan boargers tsjin Xuanzong syn polityk:
de oergong nei in oare tiid,
ferskuord wurdt it Sineeske ryk.

* Yan Liben wie in skilder oan it hôf
fan keizer Taizong

Taizong en Xuanzong wiene keizers
fan de Tang-dynasty (618-907)