Willem Tjerkstra’s thússide
admin

Keizer Franz Jozef

Skiednisbylden

fan ûnbekend*
fan ûnbekend**

Franz Jozef, noch mar achttjin jier,
waard foarst fan machtich Eastenryk,
it wie it jier fan revolúsjes,
mar de keizer woe gjin omkear ha,
hy joech wat bliuwend wie gelyk.

Elisabeth, ek Sisi neamd,
seach hy wol sitten as syn frou;
sy hie gjin inkele yllúzje
dat de keizer woe allinnich ha
in keizerinne… wie hy trou?

Franz Jozef wie trou yn syn wurk,
fan moarns betiid oant yn de nacht,
hie yn syn âlde styl fidúsje,
mar ferlear op ’t slachfjild slach nei slach,
dat Eastenryk joech ta yn macht.

It faaie libben sloech ek ta
mei moard en selsmoard en syn broer
moast ûndergean de ekskekúsje,
mar de keizer libbe troch, woe ha
foar Eastenryk in sterk bestjoer.

Franz Jozef, seisentachtich jier,
wie keizer fan ’t ferswakke ryk,
yn oarloch ek, wrâldwide rúzje,
makke net mear mei de lêste slach,
wat bliuwend wie, kriich ûngelyk.

Skilderij ‘Franz Jozef’
Foto ‘Franz Jozef’

Related Posts

Archief

Zoeken

  • Categorie

  • Datum