Willem Tjerkstra’s thússide
admin

Ballade fan de trekkerstjer

Lyrysk Deiboek
PDF Print E-mail
It barde by de Grienedyk
dêr’t drige mannich djippe sleat
yn ’t lege lân fan de Legeaen,
it gie dêr op ‘e kop ferkeard:
twa tsjillen sonken yn it slyk.

Image

It wie in flinke boeresoan
dy’t op ‘e âlde trekker ried
troch ’t leechlân fan Legeaen,
hy fluite skel in fleurich liet,
de motor song op leger toan.

Image

It barde fluch en ûnferwacht,
de pook stie yn de achterút
op ’t leechlân fan Legeaen,
de trekker joech de sleat in tút,
de soan stie stil by him op wacht.

Image

It duorre lang foar’t útkomst kaam
dy’t ride moast út Offenwier
yn ’t leechlân fan Legeaen,
syn heit hie him wol sjoen wiswier
en ried oer reed en hikkedaam.

Image

It bearde lûd, de trekkersong
fan skuor mar ta, it droege op
fan ’t leechlân fan Legeaen,
de soan stie stil mei sletten kop,
wat moast er oars, hy wie noch jong.

Image

It gie flitsfluch, dêr wie er wer
de trekker… en de boeresoan
op ’t leechlân fan Legeaen,
hjoed wie de crash, mar oaremoarn
dan ried er wer, de trekkerstjer.

Image

< Foarige
admin

Fûnling

Lyrysk Deiboek
PDF Print E-mail
De fûgelwrâld stie op ‘e kop
fanwege ’t fleanend rampberjocht
troch mear as hûndert snaffels brocht:
in lytsen dea, net lang noch út ‘e dop.

Image

In swannepearke swom mei gong
yn wite jas nei ’t rampgebiet,
se fûnen ’t lykje, kâld en wiet,
identiteit: it is noch jong.

Image

De âlden wiene net bekend,
in fûnling kaam yn ’t deadsberjocht
en fierder waard der net nei socht,
want fûgels binne soks net wend.

Image

In jonge krie, swart as de nacht,
waard foar it romjen fluch besteld,
dy hat him oan it lyk fertild,
syn mage hie ’t net yn de macht.

Archieven

Zoeken

  • Categorie

  • Datum