Willem Tjerkstra’s thússide
admin

As Van Gogh

Lyrysk Deiboek
PDF Print E-mail
Image

Doe’t ik de holle nei it maisfjild draaide,
seach ik oan de râne ’t fûgelfolk
en ’t nôtfjild út ‘e tredde klas
dêr’t swarte krieën boppe saaiden,
’t wie myn tekenfoarbyld
of miskien dochs in Van Gogh.

Image

Ik hearde wer de krieën nei myn krassen,
mar doe woe it net, ik kaam net los,
tefolle streekjes hie it nôt
om my fan ’t swartfolk te ferlossen,
ek fan ’t tekenfoarbyld
en Van Gogh wie doe al kâld.

Image

De tiid ferfleach en ek de fûgels fleagen
fuort, want mais en ik, wy wurde âld
en reitsje by it rypjen los;
no sjoch ik ’t fjild mei oare eagen,
net as tekenfoarbyld,
mar as streekjes fan Van Gogh.

admin

Wûnderlike pubers

Lyrysk Deiboek
PDF Print E-mail
Se binne skepen op ‘e sechde dei,
de hokkelingen dy’t noch pubers wiene
en nei in tsjerkeliet te harkjen stiene,
mar gjin hok te sjen, sa ûnder ’t swurk,
allinnich stie it stek har yn de wei.

Image

In hûndert meter fierder wie de tsjinst
foar alderhanne lju dy’t wolkom wiene,
net folle pubers dy’t te wachtsjen stiene,
want dy seagen ’t driuwen fan it swurk
en dreamden hoest der sûnder ek wol kinst.

Image

Te meditearjen rûn de man fan ’t Wurd
oer dieren dy’t dy dei ek skepen wiene
en by ús Leave Hear goed oanskreaun stiene,
inkeld hy koe meitsje hjoed goed wurk
foar alle pubers mei en sûnder sturt.

Image

Dus liet hy daverje muzyk en liet
oer alle skepsels dy’t op ierde wiene
en op in wûnder Gods te wachtsjen stiene,
iepen moasten stielen stek en swurk,
dus rôp hy hokkelingen ta de died.

Image

Archieven

Zoeken

  • Categorie

  • Datum