Willem Tjerkstra’s thússide
admin

Beamakrobatyk

Lyrysk Deiboek
PDF Print E-mail
Image

Besopen kaam de kliber út ‘e stêd,
lavearre âljend oer de strjitte
mei de blaas en pânse fol,
ien slingere om stam en blêd,
in oare miigde heech, syn wiete rol,
de tredde koe de droege knak net litte.

It wie in oare kliber yn de stêd
dy’t fan de beam syn wenplak makke,
friet de magen barstend fol,
de tûken rekken sûnder blêd,
de stam lykwols bleau yn syn hege rol
en fielde hoe’t de triedden stadich sakken.

Image

De tûzen akrobaten fan gewicht
feroaren linich fan posysje,
sieten samar yn har rol:
se slingeren mei helder sicht
wyld hinne en werom ek foar de lol,
mar sûnder de sirene fan de plysje.

Image

admin

Religy

Lyrysk Deiboek
PDF Print E-mail
Image

De muorren binne keal,
de toer is út it sicht,
de klokken hingje stil
en sille net mear liede;
de yngong eaget keal,
de spikers sette ticht,
dit alles nei de wil:
gjin wurden, wol de dieden.

Wat hat dy fisk foar sin?
Gjin wurd oer hoe’t er swimt
of út it wetter springt,
want lit him no mar stikke;
de yngong eaget min,
gjin spiler dy’t dat nimt
en dy’t de bal dêr bringt,
gjin wurd mear om te kikken.

De himel is ’t domein
fan streken yn de kleur
dêr’t alles wol om draait:
de leafde foar oranje;
god as begjin en ein,
wa’t oars seit, is in seur,
de geast dy’t ivich waait,
treft doel mei fromme franje.

Image

Archieven

Zoeken

  • Categorie

  • Datum