Willem Tjerkstra’s thússide
admin

Persepolis’ meunsters

Skiednisbylden
PDF Print E-mail
fan ûnbekend*

Perzië, in ryk fier oer de grinzen
fan Afrika nei Yndia
mei Persepolis’ rike keunst,
in bist fan trije of fan twa,
dat útgiet boppe tinzen.

Image

Griffioen, in trijedielich meunster:
fan lea in liuw, fan kop in earn,
de skeane earen fan in hoars,
’t ferwûne bist kin net mear stean,
sa woe wol ha de keunstner.

Liuwhart, lyts mar moedich yn syn dieden:
fan lea in hart, fan kop in liuw,
de kromme hoarnen fan in bok,
de slaande wjukken fan in miuw,
’t soe siere mar ek stride.

Image

Dizze bisten koene ’t lot net keare
fan Persepolis, rike stêd,
troch Alexander** lein yn pún,
it meunster lei, gjin stjit of trêd,
it liuwhart koe ’t ferneare.

* Kalkstiennen byld ‘Griffioen’
(sirka 518-465 foar Kristus)
Juwiel ‘Liuwhart’ (sirka 500 foar Kristus)

** Alexander de Grutte

admin

Spikers troch de tiid

Skiednisbylden
PDF Print E-mail
fan ûnbekend*

Image

De Eufraat soarge foar it ark:
in stâle reid om mei te skriuwen
op in ûndergrûn fan weake klaai,
sa gie de tiid troch it ferline mei
en soe de kening ivich bliuwe:

Yn de spikers kin men lêze:
Salmanasser mei der wêze!

Image

Dêr stiet er yn syn hear en fear,
Assyrysk kening, fol fan gloarje,
en beskermer fan de libbensbeam,
de tûken boppe lân en Eufraats stream,
syn libben rint troch de histoarje:

Yn de spikers kin men lêze:
Salmanasser mei der wêze!

Image

Dêr stiet er op syn keningswein
mei yn de hannen pylk en bôge,
want de foarst is hjoed op liuwejacht,
dat bist jout oan de kening goademacht,
sa hat er oer de ieuwen skôge:

Yn de spikers kin men lêze:
Salmanasser mei der wêze!

* Spikerskrift
Kening Salmanasser III
Op liuwejacht
(9e oant 7e ieu foar Kristus)

Archief

Zoeken

  • Categorie

  • Datum