Willem Tjerkstra’s thússide
admin

Spits

Lyrysk Deiboek
PDF Print E-mail
Wy reizgje nei it suden
om lân en see te sjen,
as pake fol ferwachting
fanwege Jesse, bern
fan acht en tûk op lûden
fan treinen tagelyk
fan Starum en fan Ljouwert
mei as bestimming Snits,
mar net foar ús, want fjouwer
stasjons besjogge ’t lân,
it fiifde leit oan ’t wetter
en mei myn sûn ferstân
sjoch ik nei bernsbern Jesse,
ferwachtsjend dat er ryk
fan alle bûtenlessen
weromkomt yn stêd Snits,
mar Jesse wit wol better:
hy lêst de lêste Spits.

Image

admin

Wiere wurden

Bibelbylden
PDF Print E-mail
fan Rembrandt*

Image

Sels in ezel sprekt soms wiere wurden
as er op it paad in wêzen sjocht
dat mei in brede wjukslach fljocht,
it minskehert is faak ferhurde.

‘Ezel bin ik al jo libbensdagen,
wêrom krij ik hjoed dan op ‘e hûd?’
Doe seach syn baas de ingelgloed,
it swurd wie ’t antwurd op syn fragen.

Fragen wiene ek út Moäb kommen,
út it hert fan Balak, deabenaud
foar ’t swalkersfolk, lang net fertroud:
‘Profeet, wolsto dy troep ferdomme?’

Mar profeten sprekke wiere wurden
as de Iene harren wegen wiist,
oars reitsje sy yn ’t net fertiisd
fan keningen, yn striid ferhurde.

Bileäm liet wiere wurden streame
oer it folk, de stjer út Jakob wei,
dy’t seit: sjedêr de nije dei,
’t beloofde lân riist op út dreamen.

* Rembrandt (1606-1669)
Skilderij ‘De ezel fan Bileäm’

Archief

Zoeken

  • Categorie

  • Datum