Willem Tjerkstra’s thússide
admin

De beam en de boom

Lyrysk Deiboek
PDF Print E-mail
Troch woartels fêstlein yn de grûn
stiet jierren al de beam by ’t spoar
as wachter op ‘e trein fan moarns
betiid oant yn de lette jûn,
allinnich yn beweging brocht
as ’t waait en blêden mei elkoar
besykje út te rûzjen sljocht
en rjocht noch boppe ’t izerkoar
fan ratteltsjillen op ‘e rails
en ’t rinkeljen by ’t reade ljocht,
dat mannich kearen op in dei
syn kleur by ’t read fan bomen docht
yn konkurrinsje mei de beam,
dy’t yn de hjerst syn blêden fraai
ferkleurje lit, al jierren dreamt
fan stoarmige beweging mei
it read fan blêden tagelyk,
yn konkurrinsje mei de boom,
’t dilemma fan de beam gelyk
oan hjerstige natuer foaroer
de keale boom as autonoom.

Image

admin

Stielen hjerst

Lyrysk Deiboek
PDF Print E-mail
De hichte lit noch simmer sjen,
it blau fan mar en loft,
omliste mei it stiel en giel
fan útsichttoer, dêr’t men
yn alle tiden fan it jier
it hege libben fielt.

Image

De lânkant út ‘e hichte wei,
mei beamteguod en reid,
lit sjen dat oer de lichte strykt
de hjerst, dy’t dêrop leit
de dize, dêr’t de kleur foar wykt,
in stielglâns as flewiel.

Image

De lichte jout it echte byld,
it blau wjerspegelt noch
deselde beammen, mar net myld
fan maitiidsgrien; mei stiel
beslacht de hjerst no beam foar beam,
dat men de wierheid fielt.

Image

Archief

Zoeken

  • Categorie

  • Datum