Willem Tjerkstra’s thússide
admin

Evolúsjebyld

Lyrysk Deiboek
PDF Print E-mail
Image

De evolúsje stribbet aksje nei,
de driuw giet heger as de beam,
it is de flecht fan nacht nei dei,
foar ’t minskdom bliuwt it noch in dream.

De keunstner jit de flarden yn in byld,
dat statysk siket om de flecht
op wjukken earst noch wif en wyld,
dan op termyk, mar ’t wurdt nea echt.

’t Is nacht noch, dat hy hat de hichte socht
mei útsicht op ‘e nije dei,
evoluearret sa’t er fljocht,
yn aksje, by it minskdom wei.

Image

admin

Read ûnthjit

Lyrysk Deiboek
PDF Print E-mail
Image

Soms tinkt men it bliuwt altyd tsjuster
mei de moanne as it iennichst ljocht
dat skynt op ringen fan de tiid
yn hout dat om de hichte socht,
de klim fan juster.

Mar hjoed ferskynt by it lemieren
’t reade fan de kosmos as ûnthjit
fan ’t rizen fan in nije tiid
mei ien dy’t stjerren sjonge lit,
wiswier de wiere.

Image

En op ‘e ierde rikke mêsten,
bidlers om ’t ûnstjerlik kosmysk liet
as wie de tiid yn ’t alderlêste.

Safier is ’t net, hy kin noch rêste
nei’t er fan ‘e moarn syn brochje iet,
hoecht dagenlang noch net te festjen.

Image

Archieven

Zoeken

  • Categorie

  • Datum