Willem Tjerkstra’s thússide
admin

Fertroud iis

Lyrysk Deiboek
PDF Print E-mail
Hoe lang ha wy net smachte
nei it útgean fan de wyn
troch noard nei it noardeasten,
withoelang is dat al lyn.
Wa hie dan noch ferwachte
dat it hege noarden kaam
nei stoarmen mei de earste
froast, dy mei nei ’t suden naam?

De waarman hie ’t oer nachten
mei wat froast, teiwaar oerdei,
de v fan hûndert guozzen
wiisde ’t winterwaar de wei.
Wat keart dan sterke machten
fan de redens út it fet?
Miskien it iis op puozzen,
want fertrouder is der net.

Image

admin

Dea

Lyrysk Deiboek
PDF Print E-mail

De spesjalisten binne kommen
mei in trekker, bus en wein,
se ha it skerpe ark meinommen,
setten as in team útein.

Image

De beamsirurch beklom mei faasje,
linich ek, de konifear,
hy soarge foar de amputaasje
oant er alle lea ferlear.

Image

De assistinten bleauwen ûnder,
brochten byinoar de brot;
de bult waard breed en heech, bysûnder
dat in beam safolle hat.

Image

Noch ien kear kaam er wer nei boppen,
’t lêste teken fan syn wil,
de beamsirurch hat him ûnttoppe,
blokken seage, ’t waard doe stil.

Image

It stoflik omskot leit op strjitte,
wachtsjend op ‘e lêste wein;
wy sille nea ús beam ferjitte,
dêrmei is no alles sein.

Image

Archief

Zoeken

  • Categorie

  • Datum