Willem Tjerkstra’s thússide
admin

Bollen op De Lemmer

Skûtsjesilen
PDF Print E-mail
Ut it skûtsje-argyf 1979

Yn Spanje fjochtsje se mei bollen,
bisten dy’t it mier ha oan it read
as wapen fan de stoere strider;
giet it lykwols foar de fint ferkeard,
dan streamt it bloed him oer de holle.

Ek skippers binne bollefjochters,
stjit de iene op de oar syn kop
of kont, dan komt de reade lape
yn it want en rint de spanning op
oant foar de baalje fan de rjochters.

Sa flapten op De Lemmer reade
lapen foar fiif skippers nei de kop,
dy’t kleuren pears fan argewaasje;
oer de Iselmar klonk lûd de rop
dat net de wâl it skip mear kearde.

Image

Ien skipper hold in kalme holle,
dy fan Drachten*, altyd achteroan,
mar op de Iselmar yn ’t foarein,
bleau himsels en dat foldie him skoan,
it read-wyt-blau wie net foar bollen.

Image

* Hattum Hoekstra

admin

Ferhalen

Lyrysk Deiboek
PDF Print E-mail
Image

It folk dat libbe fan it gean
fan stêd nei doarp en doarp nei stêd,
it hat him deljûn op in plak apart
mei tûzenien ferhalen dêr’t
se hjoed wer mei troch ’t libben gean.

Ik seach him nêst de stoepe stean,
de caravan yn minne steat,
it like suver in ferhaal apart,
dat ik yn byld brocht, neat as bleat,
mar seach ik him dêr dan net stean?

Hy seach my wol en hold my oan,
oft ik soms fan de plysje wie;
no nee, myn koart ferhaal wie wat apart:
ik sei dat ik oan dichtsjen die,
doe seach er my begrutsjend oan.

Image

Archief

Zoeken

  • Categorie

  • Datum