Willem Tjerkstra’s thússide
admin

Nostalgy

Skûtsjesilen
PDF Print E-mail
Ut it skûtsje-argyf 1975

Image

Op it roer Sietse Hobma
Ut boek ‘Lemster skûtsje’  fan Klaas Jansma en Marten Sandburg

De Lemmer dreamde noch fan âlde tiden
doe’t de mêst wat koarter wie
en op ‘e gyk gjin takel stie;
de tiid moast keare, skippers stride
sa’t de âlde it noch die.

Dat skipper Sietse* foer mei folle seilen
nei it VSB-bestjoer**,
de fuotten skrep, de hân op ’t roer,
it waard in saak fan kromme neilen,
want de âlde dream dreau oer.

Doe liet de skipper deaden boppe komme
om te sprekken út ‘e siel:
in skip fan hout yn plak fan stiel;
mar âlden spilen gnyskjend stomme,
want it goud wie harren diel.

Op dat stuit kriich Sietse goud foar eagen:
de kommersje soe it dwaan
troch skippers sponsorjild te jaan
om harren mei in gouden beage
troch de nije tiid te slaan.

Image

* Sietse Hobma
** Vereniging van Schippers en Bemanningsleden

admin

Wolken boppe holle see

Skûtsjesilen
PDF Print E-mail
Ut it skûtsje-argyf 1974

Image

De Lemmer ûnder wolkeloften
mei in wynkrêft seis, in holle see
en folk dat kaam yn grutte kloften.

Twa skippers lieten ’t skûtsje lizze,
tolve reefden dûbel, wiene ree
want woene loft en see net misse.

Image

De start mei skreppe, skuorre, roppe,
raze, ’t fleanend Hearrenfean op kop ,
sa bleauwen alle koppen boppe.

De Lemmer klom fan tsien nei trije,
klapte brûzjend yn de weagen op,
mar koe gjin priis of preemje krije.

Image

Langwar skeat as in swan oer weagen
like wyt as ’t eigen fearrepak:
de preemje foar ferhearde eagen.

Image

Mar Boalsert liet de fearren sakje,
stiek de mêst fier yn it wolkedak
en wjukke nei it tsiende plakje.

Image

De Lemmer ûnder wolkeloften
seach de skûtsjes op ‘e holle see
en ’t weagjend folk yn grutte kloften.

Image

Archief

Zoeken

  • Categorie

  • Datum