Willem Tjerkstra’s thússide
admin

Wille om machten

Polityk
PDF Print E-mail
Image

It is as wie ’t út izer getten,
suver makke mei it wintersk wyt,
rjocht wizend hoe’t it stedske heil
dat yn de fierte stiet,
syn hichte hat yn wetten.

Noch stekke boppe ’t stedsfolk tuorren
foar de klokken mei sa let de rop
en yn ’t ferline mei de twang
sa net, dan is it op
it heil dat ivich duorre.

Mar hjoed de dei wurdt heil ferwachte
fan de grutte flakte yn it lân
fan Starum oant de haadstêd Snits,
want lytsens hâldt gjin stân,
komt om yn lege machten.

En sjoch, dêr tusken grûn en himel
hinget hy dy’t laket om wat stiet
as izer mei de pylk omheech,
want wêr’t it him om giet,
is wille om wat grimelet.

Image

admin

Mysterieuze Pier

Polityk
PDF Print E-mail
Wa wol net libje op ‘e Fryske grûn
fan taaie klaai of ’t lege fean
op beide fuotten frij te gean
en oan gjin frjemde machten bûn.

Sjedêr dat wol de Frije Fryske Grûn
yn ’t suden fan ús godlik gea,
mar sjoch ek net, der is gjin lea,
leau inkeld yn in geastlik bûn.

Syn god wurdt neamd mysterieuze Pier
dy’t skuorret ’t eigen harnas glêd,
dat frjemde pylken rêde ’t net,
alhiel net mei in ticht fizier.

Image

Wy sjogge foar ús leaver Grutte Pier,
net as in god fan moard en brân
dy’t rêde ’t Frije Fryske Lân,
mar wol syn lea, fan foet oant hier.

Archieven

Zoeken

  • Categorie

  • Datum