Willem Tjerkstra’s thússide
admin

De twa fan Starum

Lyrysk Deiboek
PDF Print E-mail
De frouwe fan stêd Starum,
wat skôget sy de ieuwen troch
oer ’t wetter om har langstme
nei ’t kostberst wat der is, mar noch
net oan de skiere kimen gloarret,
dochs wat sy no mei oare eagen sjocht.

Image

De sêge kaam foar eagen
fan him dy’t sân pear earen hie:
de rykdom en de pleagen,
wat kostber wie, waard nea wer sie,
mar hy beseach it mei syn eagen:
it aventoer as heechste ideaal.

Image

Sy stiene doe yn Starum
tegearre yn in nij ferhaal
en stoarren oer de weagen,
wylst dreamend op ferlytse skaal
en wat sy yn de fierte seagen…
in dûbelgrut geheim yn byldetaal.

Image

admin

By de dea fan heit

Lyrysk Deiboek
PDF Print E-mail
Image

Wylst ljocht de omkant tekenet
fan seil en fok heech oan de mêst
op skûtsje en op klipper,
fyts ik fertiisd en sûnder rêst
yn tinzen nei syn wente,
dêr’t heit no yn de kiste leit,
syn skûtsje sûnder hichte
fan mêst en ljochtsjend túch, mar ’t seit
my mei dat iene tichte
en lakte lûk jûn folle mear
as tuorrehege klippers…

Image

… dêr leit er ûnder glês en seil,
syn byld as silend skipper
fersonken ta it lege peil
fan ivich stilsteand wetter,
in spegel foar de lêste kear
mei twa gesichten, better
ferliking jout gjin inkeld glês,
want heit en bern, yn libben
en yn de djipte fan de rêst,
sy bliuwe heech besibbe.

Image

Archief

Zoeken

  • Categorie

  • Datum