Willem Tjerkstra’s thússide
admin

Wiuwende palmen

Skiednisbylden
PDF Print E-mail
fan Antoine Payen*

De palmen stiene ûnbeweechlik,
teken fan de status-quo,
lang libje de koloanje!
Lit dat folkje libje yn it no,
Batavia bestjoert it deeglik.

Image

Sjedêr de swarte tongerwolken,
dy’t mei fjoer de rotsen slaan,
de palmen wiuwe litte
om wer faasje oan it folk te jaan…
it sil de frijheid wolkom hjitte.

Stiet Multatuli as in blanke
oan de kant fan wa’t noch lijt
en lit er skriuwend witte
dat mei moed it folk de siel befrijt
fan ‘Tankje God’ op falske klanken?

De bui driuwt oer, wer klinke psalmen,
mar de status-quo bliuwt net;
sa wier de palmen wiuwe,
skriuwt it stridend folk syn eigen wet,
it sil foargoed de frijheid priuwe.

* Antoine Payen (1785-1853)
Skilderij ‘Opkommend tongerwaar
op ‘e súdkust fan West-Java’

admin

Frou Pietermaat en Pieter

Skiednisbylden
PDF Print E-mail
fan Raden Saleh*
fan Johan Heinrich Neuman**

Image

Wêr fynt men better plak om lang te rêsten
as yn it park fan Bûtensoarch,
want dêrfoar stiet it blêdliet boarch:
De deade is altyd in bêste.

Image

Jeannette Antoinette hat dêr plak fûn,
as Pietermaat ek wol bekend,
mei Pieter troud, ferneamde fint,
hy hat syn eare rom gerak jûn.

Wêr fynt men rommer geast mei sa’n karriêre
as advokaat, minister, ek
yn Ynje gûverneur, te gek…
dus net oan tiid om al te stjerren.

Wol trije kear minister fan koloanjes,
hy droech him foar as gûverneur,
wa’t tsjin wie, die him foar as seur,
it sljochte folk mei rûge troanjes.

Wêr fynt men dan noch nijs ûnder de sinne
yn Ynje of it heitelân,
mei funksjes is men út ‘e brân,
it plebs kin troch de jiske rinne.

Image

Elk fynt op ’t lêst in plak om lang te rêsten,
ek Pieter rekke bûten soarch,
want dêrfoar stie de dea wol boarch…
wie Pieter Mijer wol sa’n bêste?

* Raden Saleh (1811-1880)
Skilderij ‘Tsjerkhôf yn it park fan ‘Buitenzorg’

** Johan Heinrich Neuman (1819-1898)
Skilderij ‘Jeannette Antoinette Pieterman’
Skilderij ‘Pieter Mijer, gûverneur-generaal’

Archieven

Zoeken

  • Categorie

  • Datum