Willem Tjerkstra’s thússide
admin

Yn ’t nije jier

Lyrysk Deiboek
PDF Print E-mail
Sy draacht it alle dagen troch
fan de iene oere yn de oare,
de nacht yn en wer yn it ljocht,
nei oan ’t hert en grutsk om’t foar har
in lytser famke fol bewûndering
de skat as heechste ideaal besjocht,
it laam dat sy as dûbel wûnder ken:
in libben dat harsels ta libben brocht.

Image

Sy draacht it alle tiden troch,
fan de maitiid oant de winter,
de drompel oer fan ’t âlde jier
yn it nije as kokon mei flinter,
it ideaal dêr’t sy net sûnder kin,
bewuolle noch yn ’t tichte trieddehier,
mar ienris sil se ’t wiere wûnder sjen,
it leave lok dat komt yn ’t nije jier.

Image

admin

Tredde krystdei

Lyrysk Deiboek
PDF Print E-mail
Do silst it krekt belibje
dat op ‘e twadde krystdeijûn
it noch begûn te snijen,
safolle dat de goare grûn
fan fjirtich krystfeestoeren
noch syn bestimming fûn.

Image

By ’t opgean fan de sinne,
in blauwe bui noch oan de kym,
lei ’t ierdryk der wyt hinne
en wachte op wat ieuwen lyn
begûn op hoare finne
fan Betlehem, in liet op rym.

Image

Mar sjoch de skiep dêr rinnen
as hawwe dy oan snie it mier…

Image

… de okse en de ezel,
de smûke stâl skeelt har gjin sier…

Image

… en om der op te winnen
ha se dy stâl al wer te hier.

Image

Archief

Zoeken

  • Categorie

  • Datum