Willem Tjerkstra’s thússide
admin

Tekenles mei byld

Keunst
PDF Print E-mail
fan Abraham van Strij*

Image

Silenus, neaken op it taffelskleed
mei lytse Dionysos yn syn earmen,
letter god fan wyn en keunst,
as jonkje by syn master yn de geunst,
sa kaam it alles oan de weet.

De master, leunend op syn gongelstok,
besjocht it byldzjend spul fan beide kanten,
fan it gips nei it papier,
foar ’t jonge tekenfeintsje yn it spier,
sa liedt er him ta keunst en lok.

Mar op it donkerbrune tegelkleed
besjocht it broerke ’t spul fan alle kanten,
fan de gipskont oant de stok;
de tromme is ferbean fan master Bok,
dus hâldt it no it mooltsje beet.

* Abraham van Strij (1753-1826)
bleau yn de styl fan de skilders
fan de santjinde ieu.

admin

Japanske brêge

Keunst
PDF Print E-mail
fan Claude Monet*

Image

De brêge noeget út om oer te gean
fan wat fertroud is nei de fierte,
mar de rûnte fan Japan
is ’t freegjend teken efkes stil te stean
om ’t kleurespul net te ferjitten.

De griene rûnte fan it driuwend blêd
mei leeljes, libbene ympresje
as fan fivers fan Japan
is ’t stille antwurd op ‘e drokke stêd,
it draaiend rêd fan de obsesje.

De rûnten freegje om noch mear te sjen:
wat opkomt út it eigen djippe
sûnder rûnten fan Japan,
as ûnder stille wetters fan in bern
om op ‘e brêge oan te tippen.

* Claude Monet (1840-1926)
wie in Frânske skilder
dy’t hearde by de skoalle fan
de ympressionistyske keunstners.

Archieven

Zoeken

  • Categorie

  • Datum