Willem Tjerkstra’s thússide
admin

Galateia

Mytebylden

fan Odilon Redon*

Berne waard sy tusken weagen
fan de see, in widze wyt fan skom,
sy swom al ier de brâning oer
mei gers en blom foar eagen.

Galateia, kreas fan holle
oan de fuotten ta, woe net werom,
lei yn it kleare ljocht foaroer,
sy skonk ien each tefolle.

Polyphemos waard fereale,
mei in knypeach wonk er: ‘Leave kom,
dan springe wy de heuvels oer
mei trije eagen, deale!’

Hoeder Akis, skerp fan eagen,
plôke foar de faam in reade blom
en joech dy mei in knypeach oer,
hy hat it derop weage.

Polyphemos, read fan grime,
sloech de hoeder mei in rotsblok krom,
foar Akis wie it noch net oer,
as beekgod hat er ’t rime.

* Odilon Redon (1840-1916)
Skilderij ‘De sykloop’

Related Posts

Archief

Zoeken

  • Categorie

  • Datum