Willem Tjerkstra’s thússide
admin

Demokritos

Mytebylden

fan Hendrick ter Brugghen*

Hy reizge faak, fan stêd nei stêd,
en skôge de ferskillen,
yn syn eagen wie elk plakje oars,
dy fariaasje skonk him wille.

Soms gie syn each fan blêd nei blêd,
hy tocht dat ûnderdielen
wiene ’t wêzen fan de hiele wrâld,
atomen fielden as besiele.

Hast altyd hie er in goed sin,
lykmoedigens wie better
as earst hjit fan geast en dan stienkâld…
gean net as hynders op ’e kletter.

‘Syn libben hat in frjemd ferrin,’
sa fûnen plakgenoaten,
‘Hippokrates, ûndersykje him,
hy siket allerhande soarten.’

* Hendrick ter Brugghen (1588-1629)
Skilderij ‘Demokritos’

Related Posts

Archieven

Zoeken

  • Categorie

  • Datum