Willem Tjerkstra’s thússide
admin

Catilina

Mytebylden

fan Cesare Maccari*

Wa’t stribbet nei ultime macht,
wol krûpe oer de rêch fan oaren,
dy’t er dan de deastek jout,
mar wa’t yn libben bliuwt, fertrout
syn stribjen net en slacht werom.

Wa’t ynklaut, lûkt ferhâldings krom,
en útjout foar it eigen stribjen,
hâldt gjin jild en freonen oer,
de striid om macht wurdt dan in toer,
gjin toer dy’t hy yn Rome bout.

Foar Catilina wie it goud
doe’t hy noch net nei ’t heechste stribbe;
letter skeelde ’t him gjin moer:
hy waard de moardner fan syn broer
en griep fergees yn Rome yn.

Dochs dronk er op ’e takomst wyn,
fertroude op ’e konfrontaasje
mei ’t Romeinske leger, mar
troch ûnmacht hie er gjin ferwar…
wa hat noch om de deade roud?

* Cesare Maccari (1840-1919)
Skilderij ‘Catilina’ (detail)  

Related Posts

Archief

Zoeken

  • Categorie

  • Datum