Willem Tjerkstra’s thússide
admin

Ynpakt

Lyrysk Deiboek

De waaier stekt der boppe-út
om út te finen wat de wyn krekt wol,
de rjochting, ek hoe hurd it waait,
mar net wat bart op ’t politike mêd:
diskusje earst, dan it beslút.

Wannear’t gehiel wyt ynpakt wurdt,
dan kriget men in posityf berjocht:
jou jim mar del, de wyn is draaid,
’t kolleezje wol it bêste foar de stêd,
wat west hat, hie in lange sturt.

De waaier wiist súdwester stoarm,|
dy’t skuort en raamt oan ’t kamûflaazjekleed,
sadat wat grau is, iepemleit,
’t kolleezje, dat it net allinnich rêdt,
is transparant en slacht alarm.

Related Posts

Archief

Zoeken

  • Categorie

  • Datum