Willem Tjerkstra’s thússide
admin

Yn it wykein

Lyrysk Deiboek

It wurk leit achter harren,
mannen dy’t in wike lang
it kraanskip draaie litte,
ha it tsjin de reiden lein;
dit wykein leit it earste rang
mei ’t each op pseudo-skippers,
dy’t oars net ha as by de ein
in middei út te farren.

De stêd leit achter harren,
jongelju fan ’t ynternet
dy’t fan in netwurk witte,
ha har slach dit wykein slein;
it túch ha se der net by set,
dochs binne ’t skûtsjeskippers,
al is it mar foar sneon en snein,
se witte ek fan farren.

Related Posts

Archieven

Zoeken

  • Categorie

  • Datum