Spoare-ûndersyk

admin

oktober 4, 2016

Spoare-ûndersyk

As ’t waar ûnlijich is mei wyn en rein,
ûntsteane djippe spoaren;
de tiid waait hichten hol
en lichten reitsje fol,
sa is it as tefoaren:
gjin inkel spoar mear fan in wein.

Wannear’t de tiden strike oer in beam,
dan krûpt er yn de hichte;
it sinneljocht jout rij
elk jier in ring derby
en giet er nei de lichte,
telt men de hiele libbensstream.

In minske lit syn eigen spoaren nei,
it djipst yn minne tiden.
In wein by wyn en rein
of beam oan libbensein?
Hat men no krûpt of riden,
de test komt nei de lêste dei.