Willem Tjerkstra’s thússide
admin

Lok yn 2020

Lyrysk Deiboek

Sechtjin lege eagen
stoarje nei de lege loft,
dy’t fol west hat mei fjoer
en reek, de dize hinget
foar de middei noch in skoft.

Nijjiersminsken seagen
hoe’t de pylken spatten fjoer
yn alle kleuren fan
de bôge, guon ha skôge
’t faaie libben, ’t hold net oer.

Ien fan beide eagen
hâldt de moed der noch wol yn
om takom jier te sjen
hoe’t pylken kleuren spatte
sûnder dat men rekket blyn.

Optimisten sjogge
no al út nei takom jier
mei stjerren oan de loft,
in knypeach nei de takomst…
lok foardat it is safier!

Related Posts

Archief

Zoeken

  • Categorie

  • Datum