Dynamysk Frijheidsbyld

It slacht der as de bliksem yn
by my: de frijheid wurdt wer troffen
troch de macht dy’t gjin beheining ken:
diktators litte ’t byld ûntploffe.

Lykas mynhear de presidint,
dy’t fan gjin rjochte wegen witte
wol, de leagens sprekke elkoar skjin,
de smoargens rint troch buormans strjitte.

De tonger rôlet oer de wrâld
en lit de bange frijheid trilje;
wa’t tiran wurdt, sprekt him út: ‘Ik bin
de earste om ferset te stiljen.’

It slacht wer as de bliksem yn
as ’t Frijheidsbyld fan ’t plak feroare
is, ik hear har stille stim: ‘Ik rin
om hjir de frijheid oan te boarjen.’