Dûbel hearsker

In stipke achter op it wetter
tusken beide wolken yn,
dy fan de himel en de poel,
wjerspegeling fan boppen…
wat hat dy stip foar doel?

Hy is gehiel opnommen,
libbet tusken fisk en wyn
op grize wjukken en ’t gefoel,
wjerspegeling fan boppen…
in ingel op ’e poel?

Sjedêr de hearsker oer it wetter,
heech op poaten, wat is syn
ferhaal oer wat er sa al kin?
Wjerspegeling fan boppen:
‘Sjoch hoe’t ik dûbel bin!’