Willem Tjerkstra’s thússide
admin

De bear wurde

Lyrysk Deiboek

In hechter bân is net te krijen,
beide mei de eagen ticht,
de poaten om de halzen hinne,
dreame oer in rommer sicht
as twa, dus trije.

Want trije is om út te kiezen
nei de moade hjoed de dei,
sa litte wy de hazzen rinne,
rap dy iene achternei,
gjin stap ferlieze.

Dy iene hat it meast te bieden,
is fan alle merken thús,
gjinien kin om har oandiel hinne,
mar wat oerbliuwt, is it plús
fan slim mislieden.

It kin foar elk dan sa beteare
dan men krijt en wurdt de bear,
gjin poat slacht om de nekke hinne,
dreame docht men ek net mear,
it kin ferkeare.

Related Posts

Archief

Zoeken

  • Categorie

  • Datum