Beheinde frijheid

Tusken wiet en wolken
komt de takomst tichterby,
de fuortgong eaget frij…
gjin flot fan swiere balken.

Glidend oer it wetter
mei de peddel foar de gong,
begjint it lykwicht jong,
de swierte komt earst letter.

Frij fan drege boeken,
mar ferplichte is it fest,
diskusje hat der west
oer fan de planke dûke.

Frijheid om te kommen
wêr’t de oar dy hawwe wol,
men hâldt dat net lang fol…
hy hat it derfan nommen.