Willem Tjerkstra’s thússide
admin

Yn de rûnte

Keunst

fan Vincent van Gogh*

It gie al oeren yn de rûnte,
beide diene sa it wurk,
de haspel en boerinne,
konsintraasje op ’e trie,
dy rûn der maklik hinne.

Fan lange trie nei rûne jirpels,
rap de smoarge skyl derôf,
sa’t kromme fingers kinne,
koaitsje neffens mem har rie,
’t gie troch de jierren hinne.

Al jierren yn deselde rûnte
yn de jûntiid nei it wurk,
de boeren en boerinnen,
wurge hannen boppe ’t miel,
mei kofje dêr oerhinne.

* Vincent van Gogh (1853-1890)
Skilderij ‘Boerinne oan de haspel’
Skilderij ‘De jirpeliters’

Related Posts

Archief

Zoeken

  • Categorie

  • Datum