Willem Tjerkstra’s thússide
admin

Wûnderlike skipbrek

Keunst

fan Claude Joseph Vernet*



Myn God, ha sy dit no fertsjinne?
Har skip is op ’e rotsen slein
en is yn stikken brutsen…
is it har fertsjinne lean?

Sy gûlt, de hannen oan de holle
yn wanhoop om de neare ein
fan ’t skip en wa’t noch lutsen
binne, manlju sûnder klean.

Myn God, hoe soe dit fierder rinne
mei wa’t sels net mear rinne kin?
Straf net fanwege sûnden…
Heare God, wer ien yn need!

Sy gûlt, it wurdt har fierste folle,
it twadde kin der ek net tsjin
en sil ’t net rêde sûnder
help, want oars slacht ta mear leed.

Godtank, Jo komme mei de sinne
en slaan de wolken útinoar,
’k bin tsjûge fan in wûnder,
dus dat skip sil net fergean.

* Claude Joseph Vernet (1714-1789)
Skilderij ‘De skipbrek’

Related Posts

Archief

Categorieën

Zoeken

  • Categorie

  • Datum