Willem Tjerkstra’s thússide
admin

Swart goud by ljochte nacht

Keunst

fan William Turner*



De nacht is minder swart
as wat de djipte makke hat
troch tûzen tiden hinne.

De wurkers sakje wei
djip yn de ierde, dêr’t gjin dei
te sjen is, om te winnen…

… it swarte goud, dat telt
de flammen tsjin de fûle kjeld
om sulverstof te wurden.

De sjouwers jouwe acht
by fjurren yn ljochtmoannenacht,
swart wurde grize burden.

De skûten komme djip
te lizzen, dan fart skip nei skip
it goud nei fiere kimen.

* William Turner (1775-1851)
Skilderij ‘Sjouwers lade nachts stienkoal’

Related Posts

Archieven

Zoeken

  • Categorie

  • Datum