Willem Tjerkstra’s thússide
admin

Mannichfâldich needlot

Keunst

fan Claude Monet*

It hie in strange winter west,
syn frou hie it net helle,
dat de kjeld kroep by him troch de lea,
twa berntsjes fregen him wêrom,
hy koe it net fertelle.

De maitiid soarge foar de rest,
hy koe him net bedrippe,
’t Seinewetter riisde mear as ea,
stil gûlden beide bern dêrom,
it kaam him oant de lippen.

It wetter kaam mei bakken del,
hy streke dat it rekke
’t skomjend wiet en ek syn eigen moed,
mar ’t soppe foar de bern net rom…
koe hy it needlot brekke?

* Claude Monet (1840-1926)
Skilderij ‘Oerstreaming’

 

Related Posts

Archief

Zoeken

  • Categorie

  • Datum