Willem Tjerkstra’s thússide
admin

Leeds yn opgong

Keunst

fan William Turner*



Mei de eachopslach nei de bedelte
sjocht men Leeds, in stêd fan leed
foar wa’t lang skreppe moat
en opgong foar de riken
yn in tiid ‘fan hâld se koart’…
der binne wurkers by de fleet.

Lit de skoarstiens nei de himel stekke,
want dêr stiet de measte wyn;
de kapitale geast
rikt heger as de tuorren…
jout de Heare net it meast
oan eigners, rjocht de hichte yn?

Sjoch de sjouwer lykas Adam switten,
boetsje moat er foar it kwea
dat weaget as in stien;
syn opgong bliuwt no stykjen
by de muorre, foar him ien
tel rêst, oars hellet er it nea.

* William Turner (1775-1851)
Akwarel ‘Leeds’

Related Posts

Archief

Zoeken

  • Categorie

  • Datum