Willem Tjerkstra’s thússide
admin

Keunstwurk yn de maak

Keunst

fan Johan Muyle*

Noch stiet er stil, op ’t busstasjon
hâldt hy de siken yn,
benijd nei noch in passazjier,
in kammeraat út Lissabon
of fierder fuort út Lima,
tichterby faaks, út Berlyn?

Wa’t sit, sjocht net nei de sjauffeur,
mar út nei wa’t noch komt,
safolste keunstner fan it jier;
mienskiplik jouwe sy de kleur
oan wat op ierde libbet,
sels gjin swarte is ferdomd.

It duorret wol in ivichheid,
want keunstners komme faak
te let, mar har ûnthjit rikt fier:
in wûnder, oars as inkeld feit,
de geast rydt sels nei Lima
ta, in keunstwurk yn de maak.

* Johan Muyle (1956-…)
Skildering ‘I promise you in miracle’ (detail)
By it busstasjon ûnder it Noardstasjon
te Brussel: 1600 m2 akryl op beton

Related Posts

Archief

Zoeken

  • Categorie

  • Datum