Gjin kommentaar

fan James Ensor*

Sa, ja… dit bin ik,
nee, ’t is gjin selsportret,
ik sit hjir, bin ek op it doek,
ha fierder gjin ferlet
fan kommentaar.

’k Meitsje my net dik
oer wat it folk wol seit
of wat is yn de keunst gebrûk-
lik, hoe’t it fierder leit?
Gjin kommentaar!

’t Giet my om de kick,
’t idee en bin ik klear,
dan stiet myn wêzen op it doek…
wat fierder? Om de ear?
Gjin kommentaar!

* James Ensor (1860-1949)
Skilderij ‘Ensor foar syn skildersezel’