Willem Tjerkstra’s thússide
admin

Fluitsje as bok-mins

Keunst

fan Jacob Jordaens*

Ik as sater bin betrape
troch myn fluitsjen yn de moarn,
wat kin it my ek skele,
yn ’ t bestean tref ik de krekte toan,
de fluit is myn skamlape.

Saters hawwe bokkepoaten,
mar dêrboppe bin ik mins,
sa kin ik dûbel fiele,
net krekt witte wêr’t dan leit de grins
fan ’t bok-mins mei twa kloaten.

Hoeder bin ik fan de keppel,
dy’t my sjocht as geile bok
dy’t troch it libben fluitet,
los fan alle bannen fyn ik lok,
de fluit is ek myn kneppel.

* Jacob Jordaens (1593-1678)
Skilderij ‘Fluitspyljende sater’

Related Posts

Archieven

Zoeken

  • Categorie

  • Datum