Willem Tjerkstra’s thússide

Archive for the Skûtsjesilen category

admin

It hoecht net mear

Skûtsjesilen

Ut it skûtsje-argyf 2013

It hoecht net mear, it is bekend,
de wetterpoarte kampioen,
dêr rekket Fryslân al oan wend,
acht kear hat Snits de wimpel wûn.

Image

Mar wêrom net? In moaie moarn,
in skjinne loft foar sinneskyn,
de skûtsjes komme brûzjend oan
en op ‘e Snitser mar stiet wyn.

In moaie middei, want it waait,
al winsken skippers wol krêft fiif,
omdat de wyn dan minder draait
en sparret nekke, ek it liif.

Image

It hoecht net mear, ’t gewear jout oan
de ein fan ’t wikseljend seizoen,
de Snitser wedstriid is ferstoarn,
Snits sels is lykwols kampioen.

Image

admin

Eigen koers

Skûtsjesilen

Ut it skûtsje-argyf 2013

Image

Wêrfoar soe de liuw him skamje:
dat er faak allinnich wie
of ûnderoan de ranglist stie?
Syn doel wie heger, by de skoarstien op
om lûd te bearen op ‘e top…
de fraach is hoest dêr komst, ferjamme.

Lytse broer koe dat wol rêde,
want hy lei al gau foaroan,
it like foar de liuw bedoarn:
fan hiel de lange rige alderlêst,
hy hold noch oan de skoarstien fêst…
de fraach is: springst of setsto trêden.

Image

Om de tonne wie ’t in gribus,
dat de liuw naam syn beslút,
hy sprong allinnich der rap út
en liet de skoarstien los, in eigen koers
joech foar him romte by de rûs…
de liuw as eigenwize kwibus.

Image

Archief

Zoeken

  • Categorie

  • Datum